Planunderlaget er omtrentleg og er ikkje juridisk bindande for selgar. Endringar i areal, mål, planteikningar – til dømes sjaktplasseringar, skisserte kvalitetar og tekniske løysingar – vil kunne førekomme.
Kjøkkenløysingar, skap/garderobar og annan møblering er illustrasjonar og viser ikkje kva som er med i leveransen.
Leveranseskildring, romskjema og eigne kjøkkenteikningar frå kjøkkenleverandør er avtalegrunnlag for bod og aksept.
Areal til sportsbod kjem i tillegg til BRA.
4 soverom
5-roms
P-rom: 166 m2
?
BRA: 166 m2 ?
4. etasje
99 m2
balkong/terrasse
5 m2
sportsbod
?
Fellesutgifter
6.153 ?
Nysgjerrig på Skudeløken? Eigedomsmeklar Camilla Kaland Olset i Eigedomsmekling Sogn og Fjordane er klar for å hjelpe deg:
– Skudeløken har ei informativ og god nettside, men det er mykje å velje i. Eg håpar derfor at du tar kontakt med meg. Eg er her for vere ein god rådgivar og svarar gjerne på spørsmål om kva leilegheiter som passar deg med tanke på rom, pris, soltilhøve og liknande.
Eit slikt møte er heilt uforpliktande. Vi held også gjerne av leilegheiter i korte periodar, så folk får moglegheit til å avklare ting.
Ta kontakt!
970 13 478
Du finn all informasjon om leilegheita her på nettsida. Om du vil kan du også laste ned salsoppgåva som pdf.
Kontakt meklar Camilla om du har spørsmål, eller når du har funne den rette leilegheita for deg.På knappane nedanfor finn du alle dokumenta. Du kan også gå rett inn i det digitale bodskjemaet for å kjøpe den leilegheita du har valt deg ut.
Nedst på sida finn du ei samling med artiklar om Skudeløken-prosjektet.
Velkommen til Meanderkvartalet
Les meirSkudeløken: Nokre gode grunnar
Les meirTa ein tur i nærområdet
Les meirFinn din stil blant våre tre konsept
Les meirDesign ditt eige draumekjøkken
Les meirFlott, ny park som næraste nabo
Les meirRomsleg parkering med plass til alle
Les meirStorfamilien på besøk? Vi har hotell!
Les meirEkstra plass til hobbyen din
Les meirMange heisar = lite trakk i gangane
Les meirI leilegheitsveljaren vår finn du den rette leilegheita for deg.Utforsk dei fem bygga nedanfor.
Sportsboda ligg plassert i parkeringskjellaren.
Areal til sportsbod kjem i tillegg til BRA.
Reknestykket legg til grunn at det berre vert tinglyst ein låneobligasjon og at eigedomen vert seld til prisframlegg.
Vanlege kostnader ved kjøp er:
Denne leveranseskildringa gjeld Meanderkvartalet, første byggetrinn i utbygginga av Skudeløken på indre Øyrane i Førde.
Meanderkvartalet består av 87 leilegheiter fordelt på fem bygg. Talet på leilegheiter kan endrast noko dersom det blir behov for det.
Det blir bygd samanhengande parkeringskjellar under dei fem bygga. Denne vil bli utvida i byggetrinn to og tre.
Leveranseskildringa er skriven for å gje kjøparane den viktigaste informasjonen om bygg, parkeringskjellar, utomhusareal og leilegheiter. Det kan førekomme avvik mellom salsteikningar og leveranseskildring, til dømes innreiing og møblering, i så fall er det leveranseskildring og romskjema som er gjeldande. For kjøkken er det teikningar frå Farsund Bygg som er gjeldande.
Alle opplysningar i denne skildringa kjem med atterhald om endringar som er føremålstenlege og/eller nødvendige, utan at den generelle standarden vert ringare. Sjå elles atterhald nedst i leveranseskildringa og under «Lovpålagde opplysningar».
Bygga blir førte opp etter byggteknisk forskrift av 2017 (TEK17) og andre relevante forskrifter og normer.
Alle leilegheitene i første byggetrinn vil bli organisert som eitt felles eigarseksjonsssameige.
Parkeringsanlegget vil vere eit samanhengande anlegg med innkøyring i bygg B.
I første byggetrinn blir det 116 parkeringsplassar som er til sals eller leige for bebuarar, gjestar, næringsliv og kundar. Ni parkeringsplassar blir HC-plassar.
Parkeringsplassane kostar 350.000 kroner pluss dokumentavgift og tinglysing. Felleskostnader på 150 kroner i månaden per plass.
Det blir lagt til rette for eventuell installasjon av kontakt/ladeboks for elbil.
Garasjeanlegget blir stengt med port i tidsrom styrt av sameiget sine vedtekter. Alle bebuarar vil få tilgang til å opne porten manuelt eller med fjernstyring (telefon, kode, brikke).
Kvar leilegheit får éi bod plassert i kjellaretasjen. Alle heisar og trappeoppgangar går ned til kjellaretasjen.
Sykkelparkering blir å finne både i kjellar, ved inngang i første etasje og på uteområdet. Rommet for sykkelparkering ved inngang kan også brukast til parkering av barnevogn.
Parkeringskjellaren ligg på kote 0. Vassinntrenging kan derfor skje. Kjellaren er bygd etter forskriftskrav for å handtere eventuell vassinntrenging. Vatn kan også samle seg på grunn av avrenning frå bilar.
Det vil vere synlege røyr og andre synlege installasjonar i kjellaren.
Det er laga landskapsplan som viser korleis uteareal er tenkt disponert.
Meanderkvartalet blir levert med leikeplass, grøntareal og torg på området mellom bygningane. Det blir ikkje sett ut fullvaksne tre. Alle tre og plantar blir nyplanta.
Mellom Meanderkvartalet og Løken skal det bli etablert turveg, jamfør reguleringsplanen.
Landskapsplanen er ikkje bindande for selgar når det gjeld disponering, utforming og materialbruk. Endringar og tilpassingar kan bli gjort i detaljprosjekteringa.
Vassvegar i terrenget er ein del av systemet for handtering av overvatn i området. Kor mykje vatn som er i vassvegane vil variere med nedbør.
Sjå plan for landskap på www.skudeloken.no, i prospekt, eller hos meklar.
Bygningane blir utført med beresystem i betong og stål, parkeringskjellar i betong.
Balkongar blir utført med dekke av betong og beresystem med søyler og bjelkar av stål.
Fasadeveggane blir i hovudsak utført med isolert bindingsverk. Enkelte fasadeveggar i første etasje blir utført i betong som er isolert inn- og/eller utvendig. Fasadekledning er ei blanding av treverk, fasadeplater og ev. andre vedlikehaldsvenlege materiale.
Innvendige veggar er av gips og/eller betong. Det vil normalt oppstå små riss ved materialovergangar mellom tak og vegg eller vegg og vegg på grunn av akklimatisering av material. Sprekker på over 0,2 mm blir utbetra på synfaring etter eitt år.
Balkongar og mark-/takterrassar blir levert med golv av impregnert treverk. Markterrassar er utan rekkverk, men får plantefelt for hekk eller tilsvarande framfor seg.
Balkongar og mark-/takterrassar har trinnfri tilkomst, sett bort frå takterrasse over underliggande leilegheiter. Der blir det eitt trinn opp. Alle leilegheiter med balkong, har minst éin balkong eller terrasse med trinnfri tilkomst.
Balkongar og takterrassar blir levert med rekkverk i vedlikehaldsvenleg materiale. På enkelte balkongar vil det bli etablert skilje/skjerming, til dømes med spileveggar.
Balkongar mot vest på bygg A og B blir heilt eller delvis innglasa, med opningsfelt.
Alle balkongar og terrassar vil ha utelampe og 15 A straumuttak.
Dei fleste balkongar og terrassar vil vere heilt eller delvis overbygde, enten av balkongen ovanfor eller med takutstikk. Dette er likevel utandørskontruksjonar der ein må rekne med at det kjem vatn på overflatene i regnvêr.
Hovudinngangane er plassert i 1. etasje, men det blir også inngang frå parkeringskjellar med heis og trapperom som går til alle leilegheitene.
Postkassar blir plassert i garasje, eller anna eigna plassering.
Alle leilegheitene har inngang frå trapperom/korridor med heis. E102 har eiga utvendig inngangsdør.
Hovudinngang og felles gangareal får fliser på golvet. Bodareal i kjellar får betonggolv.
Alle leilegheitene har tilgang til heis som går til kjellarnivå.
Standard innvendig behandling/overflater
Sjå vedlagde romskjema for nærare skildring av overflatebehandling av golv, veggar og tak i dei ulike romma.
Generell takhøgde blir 240 cm. Dersom detaljprosjekteringa viser at det er mogleg, vil takhøgda bli løfta med mål om generell takhøgde på 250 cm. Mindre areal kan bli nedfora til tekniske føremål, i hovudsak vil dette vere aktuelt for entré, bad og soverom. Takhøgda skal uansett vere 220 cm under nedforingar.
Dører/vindauge/beslag
Alle ytterdører har FG-godkjent lås og kikehol. Innvendige dører er slette og kvite. Dørene blir levert med flate tersklar.
Vindauge og balkongdører blir leverte med malte trekarmar innvendig og aluminiumsbeslag utvendig.
Innglasa balkongar blir leverte med aluminiumsprofil, eller tilsvarande. Fargar etter arkitektens instruksjon.
Alle karmar, foringar og omrammingar vert levert fabrikkmåla og med synleg innfesting.
Vindauge blir leverte med energiglas med U-verdi maksimalt 1,0 W/m2K. Frå 2. etasje og ned har vindauga FG-godkjent lås.
Det blir levert vindauge med støydempingsløysing for å sikre tilfredsstillande innandørs støyverdiar i opphaldsrom der dette er relevant.
Duplex-leilegheitene har trapper innvendig. Desse blir levert i overflatebehandla treverk.
Golv blir leverte i samsvar med romskjema. Standard golv i opphaldsrom/soverom er 1-stavs laminat av typen Berry Alloc Grand Avenue (Champs-Élysées eller Broadway).
Parkett er tilval. I rom med parkett må det påreknast synleg kvistar og/eller sparkla kvisthol.
Våtrom får fliser på 30x30 cm og nedsenka mosaikk (5x5 cm) i dusjsone. Annan storleik på flisene er tilval.
Leilegheiter med neminga AH får ei anna løysing på bad tilpassa mindre leilegheiter. Sjå meir under overskrifta «Bad/WC».
Utforingar, listverk og omrammingar er kvite og fabrikkmåla, med synleg stifting.
Taklister har enkel skugge. Lister rundt dør og vindauge er slette.
Leilegheitene blir levert med kjøkken frå Drømmekjøkkenet (Drømmekjøkkenet skal endre namn til Ballingslöv i løpet av året.), levert av Farsund Bygg.
Kjøkkenillustrasjonane på salsteikningane er ikkje gjeldande.
Kjøkken som inngår i leveransen er skildra i detaljerte kjøkkenteikningar frå Farsund Bygg. Desse kan du få ved å kontakte meklar.
Farsund Bygg tilbyr to gratis teiknetimar for å gjere endringar. Alle endringar må vere låste innan ein månad etter første teiknetime er avtalt.
Standardkjøkken er modellen Bistro som har slette frontar. Frontane kan bli levert i ulike material. Standardleveranse er malt MDF. I standardleveransen kan ein velje mellom tre fargar: Svart, kvitt, eller østersbeige.
Med overskap er standardinnreiinga 210 cm høg.
Under overskap blir det levert dekkplate med innfelt lys (ledskinne). Skuffene har sideveggar av glas.
Standard benkeplate er av laminat. Ein kan velje fritt blant ei rekke fargar/uttrykk i Farsund Bygg sin standardkatalog.
Benkeplata blir levert med nedfelt toppmontert stålkum (Blanco Lemis 6-IF) og eittgreps blandebatteri.
Det blir levert integrerte kvitevarer frå Siemens med følgande standardoppsett*:
Avtrekkeshette frå Røros med integrert komfyrvakt.
Kjøkken får fem innfelte LED-spottar i tak.
* Leilegheiter med nemninga AH vil få ei anna kvitevareløysing tilpassa mindre leilegheiter.
Salsteikningane viser kvar det er mogleg å plassere garderobe.
Garderobe blir som standard levert med kombiskap (100 cm per sengeplass). Skyvedører og andre garderobeløysingar kan bli levert av Farsund Bygg som tilval.
Bad blir levert i samsvar med romskjema*, med fliser på golv og på vegg i dusjsone. Våtromspanel på resten av badet.
Golvflisene i dusjsona vil bli seinka i forhold til resten av golvet.
Det blir levert tre innfelte LED-spottar i tak.
Bad blir levert med servantskap på minimum 60 cm og spegel. Opptil 120 cm servantskap der plassen tillet det. Merke og modell blir avgjort i anbodsprosess med røyrleggar, men vil vere frå kjende leverandørar som til dømes Svedbergs eller Foss.
Dusjarmatur blir montert på vegg. Opplegg for vaskmaskin og tørketrommel (kondens) som vist på salsteikning.
WC får fliser på golv og våtromsbehandla gipsplater på vegg.
* Leilegheiter med nemninga AH får ei anna løysing tilpassa mindre leilegheiter. Detaljar kjem på plass i detaljprosjektering.
Alt sanitærutstyr, som servantbatteri, kjøkkenkran, dusjgarnityr, dusjhovud blir levert med god kvalitet.
Merke blir avgjort i anbodsprosess med røyrleggar, døme kan vere leverandørar som FM Mattsson eller Hansgrohe.
Det blir eigne fordelarskap for rør-i-rør og vassboren varme innfelt i vegg med luke for inspeksjon og avlesing av målarar.
Varmtvatn og oppvarming blir levert med fjernvarme frå BKK Varme (tidlegare Førdefjorden Energi).
Vassboren varme i golv blir levert i stove/kjøkken, gang og våtrom. Det er mogleg å få vassboren varme i soverom som tilval.
Anlegget for golvvarme er dimensjonert etter forskriftskrav.
Det blir montert målarar for kvar leilegheit for energimåling av varmtvatn og oppvarming.
Det blir levert balansert ventilasjon med varmegjenvinning, og med eige aggregat for alle leilegheiter. Leilegheiter med nemninga AH kan få felles ventilasjon. Dette blir bestemt i detaljprosjekeringa.
Elektrisk anlegg blir installert etter offentlege forskriftskrav NEK 400, som mellom anna set krav om komfyrvakt og jording av alle kontaktpunkt. Det blir berre nytta automatsikringar.
Anlegget vil i hovudsak vere skjult, men ved spesielle tilfelle, som på betongvegg og lydvegg, kan det bli noko opent anlegg.
Talet på elektriske punkt er etter NEK 400. Plassering blir vist i eiga elektroteikning som blir utlevert i tilvalsprosessen.
Det blir porttelefon ved hovudinngangane
Kjøkken og bad får innfelte LED-spottar i tak.
Leilegheitene blir levert tilrettelagt for smarthusløysingar. Dersom kjøpar har ønske om å oppgradere til smarthus bør dette likevel skje tidleg i tilvalsfasen for å sikre gode løysingar.
Meanderkvartalet skal ha sentralt brannalarmanlegg med detektorar i kvar leilegheit. Sprinklaranlegg blir utført etter forskrift.
Det blir lagt fiber for TV og internett fram til eit sentralt plassert svakstraumskap i kvar leilegheit.
Eitt punkt for TV- og internettsignal blir levert i stova. Andre tilkoplingstpunkt for TV og internett er tilgjengeleg som tilval.
Utbyggar vil inngå avtale om kollektivt abonnement på fiber og TV, der kvar leilegheit får friheit til å velje noko innhald sjølv. Avtalen gjeld i 5 år. Etter dette overtar sameiget fibernettet og står fritt til å velje leverandør.
Fast telefonlinje eller analog linje for fax blir ikkje levert.
Tekniske anlegg og framføringar til desse er ikkje detaljprosjekterte og vil ikkje vise på teikningar som er omfatta av kjøpekontrakt.
Endeleg plassering av desse blir avgjort av kva som er nødvendig og føremålstenleg.
Det blir felles avfallsnedkast på uteområdet. Sjå landskapsplan for plassering.
Sportsbod er plassert i parkeringskjellar. Bodene blir leverte med gitterveggar mot sideboder og tett felt mot korridor i kjellar.
Golvet er av betong, er ikkje oppvarma og er ikkje berekna for lagring av gjenstandar som er sensitive for fukt og temperatur.
Nokre leilegheiter har også bod i leilegheita. Desse viser på salsteikningane.
Det blir ikkje levert pipe eller gasspeis.
Nokre leilegheiter har ulike planløysingar som kjøpar kan velje mellom. Planval blir låst på kjøpstidspunktet og kan i utgangspunktet ikkje bli endra i etterkant.
Alle endringar av leilegheitene vil ha ein kostnadskonsekvens for byggherre/entreprenør og vil derfor medføre ein tilleggskostnad også for kjøpar.
Endringar på kjøkkeninnreiing, garderobeskap, bad, elektriske installasjonar, og liknande skal skje i dialog med leverandør som sender endringane til Skudeløken AS.
Det skal signerast ein eigen avtale mellom Skudeløken AS og kjøpar der alle endringar kjem fram.
Prosjektet er per i dag ikkje detaljprosjektert. Alle opplysningar om leilegheitene og prosjektet er derfor gitt med atterhald om rett til endringar som er føremålstenlege og/eller nødvendige i detaljprosjekteringa.
Det kan førekomme avvik mellom leveranseskildring og planteikningar. I slike tilfelle er det denne skildringa og romskjema som er gjeldande.
Illustrasjonar i salsoppgåve og salsteikningar er ikkje nødvendigvis i samsvar med leveranse, til dømes møblering, fargeval, dør- og vindaugsform, tal vindauge på gavlvegg, bygningsdetaljar, fasadedetaljar, detaljar på fellesareal, materialval i fasade, plantar, og liknande. Slike illustrasjonar er ikkje del av kjøpekontrakten og kan ikkje bruakst som grunnlag for krav mot utbyggar.
Plassering av teknisk utstyr i kjøkken er ikkje endeleg bestemt og vil kunne avvike frå det som er vist på teikningane. Endring av plassering av utstyr på bad kan skje. Endeleg utforming av tekniske sjakter vil skje i detaljprosjekteringa. Det kan derfor skje endring av plassering, lengde og/eller breidde på desse.
Vidare kan vindaugs- og terrasse/balkongutforming og plassering for kvar enkelt leilegheit avvike noko frå dei generelle planane som følge av mellom anna den arkitetkontiske utforminga av bygga og omgjevnadane.
Sjå elles atterhald under «Lovpålagde opplysningar».
Lett tilkomst frå kommunal veg til sameiget sine interne vegar.
Leilegheitene vil i all hovedsak liggje på energiklasse grønn C. Det blir noko variasjon frå bygg til bygg og kvar leilegheita ligg i bygget.
Det blir bygd etter TEK17 med fjernvarme. Energimerking av blokkene blir levert ved sluttdokumentasjon.
Eigedomen skal delast frå gbnr. 21/44. Det skal totalt delast frå fire gbnr. frå denne eigedomen.
Tre av dei blir separate bustadsameige, og éin blir ein underliggande anleggseigedom som i all hovudsak vil bestå av biloppstillingsplassar, heisrom, boder, tekniske rom og køyrebaner. Denne anleggseigedomen blir eit felles garasjeanlegg for alle dei tre sameiga, som bygga skal etablerast oppå.
Herifrå er det første byggetrinn, Meanderkvartalet med tomt, som blir omtala:
Gjeldande eigedom sitt grunnareal etter frådeling blir om lag 7784 m2. Det gjerast oppmerksom på at oppgitt tomteareal er omtrentleg, og at tomta både kan bli større og mindre enn oppgitt etter frådeling.
Det er laga landskapsplan som syner korleis utearealet er tenkt disponert.
Alle tomtene skal opparbeidast etter dei krav som framgår av reguleringsbestemmelsane. Tomta disponerast av seksjonseigarane ihh. til seksjonsbegjæring/sameigevedtekter.
Skudeløken ligg med kort gangavstand til Førde barne- og ungdomsskule, samt Hafstad vidaregåande skule. Den nye storskulen i Førde ligg like over vegen for Skudeløken.
Nærliggjande barnehagar, med kort gå/trilleavstand, er Solsida avd. Toene (avd. Haugum ligg også i gangavstand), og Prestebakken bhg.
Det blir kommunal veg mellom Skudeløken og den nye vidaregåande skulen. Vegane inn til Skudeløken er sameiget sine private vegar og skal driftast av sameiget.
Det er kommunalt leidningsnett for vatn og kloakk, med private stikkleidningar inn til sameige.
Prosjektet blir bygd som eitt felles eigarseksjonssameige med fellesareal.
Første byggetrinn består av 85 bustadseksjonar og 5 næringsseksjonar som er fordelt på fem bygningar. Ein av næringsseksjonane er eit leilegheitshotell, og ein er avsatt til matservering/bakeri el.
Bustadsameiget skal vere uavhengig av næringsseksjonane, som skal eigast av eigne eigedomsselskap.
Det blir likevel teke atterhald om evt. omprosjekteringar som kan medføre endring i antal bueiningar som vil inngå i sameiget.
Garasjeanlegget i underetasjen blir ein eigen anleggseigedom, som blir seksjonert i næringsseksjonar.
Viser til prisliste og planteikningar når det gjeld arealopplysingar for kvar leilegheit.
Areal oppgitt i prospektet er gitt i bruksareal (BRA) som er leilegheita sine mål innvendig, medrekna innvendige boder og veggar, men er ikkje medrekna yttervegg.
I tillegg blir det oppgitt P-rom, som er leilegheita sitt BRA-areal fråtrekt innvendige boder og veggane til desse.
Då prosjektet ikkje er oppført, er oppgjevne areal basert på arkitekten sine arealutrekningar. Avvik kan førekomme. Sjå vedlagde planteikningar for fleire opplysingar om areal i leilegheitene.
Leilegheitene blir selde som sjølveigarleilegheiter, organisert som eigarseksjonssameige og følger lov om eigarseksjonar.
Lova kan ein få ved å ta kontakt med meklar eller ved å gå inn på www.lovdata.no.
Sameiget vil bli leia av eit styre som blir valt av eigarane. Utbyggar vil velje eit styre ved etablering av sameiget. Dette styret skal ivareta alle saker som er av felles interesse for sameigarane. Seljar vil på vegne av sameiget engasjere ein forretningsførar til å stå for drifta av sameiget innanfor dei rammene som sameiget vedtek. Ved kjøp av bustad i dette prosjektet blir kjøpar deleigar i sameiget.
Førebelse aktørar som er tiltenkt å tre inn i desse rollene er:
Ifølge lov om eigarseksjonar, § 23, tredje ledd, kan ingen erverve meir enn 2 bustadseksjonar (bortsett frå fritidseksjonar) i eitt sameige.
Kjøpar er ansvarleg for at kjøpet ikkje er i strid med eigarseksjonslova § 23. Dersom det har funne stad eit erverv som er i strid med reglane i eigarseksjonslova kan Kartverket nekte overskøyting.
Dersom overskøyting blir nekta, er kjøpar likevel forplikta til å gjennomføre handelen med seljar og oppgjer til seljar vil finne stad trass i manglande overskøyting. In-blanco skøyte blir ikkje akseptert.
Seksjonseigarar har plikt til å vedlikehalde brukseininga si samt fellesareal, jf. eigarseksjonslova §§ 32 og 33.
Sameiget har legalpant for inntil 2G for dekking av ubetalte felleskostnader.
Seljar vil syte for seksjonering av eigedomen, og seksjonsnummer blir bestemt i samband med seksjoneringa.
Kjøpar får skøyte på sin seksjon som inneheld eksklusiv bruks- og disposisjonsrett til eigen bustad.
Kvar seksjon vil få ein sameigebrøk tilsvarande sitt areal i forhold til samla areal.
Seljar tek atterhald om at seksjoneringa blir godkjent av Sunnfjord kommune.
Det er utarbeidd vedtekter for sameiget, desse ligg som vedlegg på www.skudeloken.no.
Vedtektene er utarbeidd i samband med sal av bustader i prosjektet Skudeløken. Vedtektene er å sjå på som førebelse og det blir teke atterhald om endringar i samband med innsending av endeleg seksjonsbegjæring, endringar i prosjektet, med meir.
Utbyggar har rett til å gjere alle slike endringar. Det er ein føresetnad at kjøpar aksepterer vedtektsutkastet som grunnlag for avtalen.
Vedtektene blir gjeldande fram til sameigemøte evt. vedtek endring. For å endre vedtekter er det krav om 2/3 fleirtal.
Iflg. vedtektene skal overdraging og utleige av seksjon meldast styret for godkjenning. Godkjenning kan berre nektast når det ligg føre sakleg grunn til det.
Førebels aktør er Adcom Fjord-Data AS.
Sameiget skal velge forretningsførar og står fritt til å endre denne etter at sameiget er etablert.
Utkast til budsjett for Meanderkvartalet Sameige er å finne som vedlegg på www.skudeloken.no. Interessentar blir oppmoda om å gjere seg kjend med dette. Det blir gjort merksam på at budsjettet kan endrast av seljar før, eller eventuelt i forbindelse med, seksjonering og stifting av sameiget.
Stipulering av budsjett samt stifting av sameige blir ikkje sett på som eigedomsmekling og omfattast difor ikkje av den sikkerheitsstilling eller ansvarsforsikring som gjeld i eigedomsmeklingslova.
Den einskilde seksjonseigar heftar for felles ansvar og plikter etter sameigebrøken. Sameiget har legalpant for inntil 2G for dekking av ubetalte felleskostnader, jf. eigarseksjonslova §§ 30 og 31.
Kjøpar er kjend med ansvar for å ta sin del av månadlege felleskostnadar.
Desse felleskostnadane er ikkje fastsett pr. tidspunkt då bygga er prosjekterte og ikkje ferdigstilte. Dei endelege felleskostnadene blir fastsett av sameigarane i fellesskap etter overtakinga.
Kjøparane må delta i felleskostnadane utifrå sameigebrøken. Felleskostnadane er budsjettert til å skulle dekke m.a.:
Felles straum, byggforsikring, fiber og TV, renovasjon, drift og vedlikehald, snørydding, grasklipping, reinhald av fellesareal, vaktmeistertenester, administrasjon, og eit A-kontobeløp for varmtvatn/oppvarming.
Fellesutgiftene er basert på budsjett og estimert til ca. kr. 34,- pr. BRA, pluss 509 kroner/mnd for fiber og TV. Sjå vedlagde prisliste for sum pr. seksjon.
For dei som kjøper garasjeplass blir det eigne felleskostnader som følgjer denne plassen. Desse er stipulert til kr. 150 per p-plass, per månad.
Kommunale avgifter og eigedomsskatt – sett bort frå renovasjon – blir fakturert direkte frå Sunnfjord kommune og inngår ikkje i fellesutgiftene.
Sameiget er ikkje tilknytt sikringsordning for tap av felleskostnader. Sameigarane heftar for felleskostnader etter sameigebrøken sin. Derfor heftar ein ikkje for andre sameigarar sine ubetalte fellesutgifter, men for å sikre likviditet kan ein måtte legge ut for naudsynte kostnader som sameiget dreg på seg for å oppretthalde forsvarleg drift.
Slike utlegg vil i så fall være sikra ved 1. prioritetspant i seksjonen som tilhøyrer den som ikkje har betalt sin del av fellesutgiftene.
For å sikre god likviditet i sameiget skal alle kjøparar per overtaking betale inn 116 kr/pr kvm i oppstartskapital. Dette for å sikre at sameiget er likvid frå første dag kjøpar flyttar inn. I tillegg betalast det kr. 2000,- i stiftelsesgebyr. Evt. overskytande av stiftelsesgebyret blir overført til sameiget sin driftskonto.
Kostnader ved kjøp står i prislista. Denne finn du på www.skudeloken.no. Reknestykket legg til grunn at det berre blir tinglyst ein låneobligasjon og at eigedomen blir seld til prisframlegg.
Vanlege kostnader ved kjøp er dokumentavgift (2,5% av ideell tomteverdi), tinglysingsgebyr for skøyte (kr. 585,-), tinglysingsgebyr for pantedokument (kr. 585,-) og panteattest (kr. 172,-).
Totalpris er pris + salskostnader.
Eige forbruk på straum og innbuforsikring.
Utgifter til varmtvatn og oppvarming med vassboren varme. Eit A-kontobeløp er betalt inn gjennom felleskostndane og blir avrekna mot energimålar og faktisk forbruk i etterkant.
Kommunale avgifter, sett bort frå renovasjonsavgift, inngår ikkje som del av fellesutgiftene. Kommunale avgifter for vatn og avlaup blir fakturert kvar enkelt seksjon.
Vatn og avlaup er sett saman av abonnements- + forbruksgebyr.
Årleg abonnementsgebyr:
Forbruksgebyret blir rekna ut slik: BRA x 1,2 = m3. m3 blir så multiplisert med m3 pris som følgjer under:
Nyoppførte bustader er friteke frå eigedomsskatt fram til 01.01 året etter overtaking.
Formueverdien er førebels ikkje fastsett. Denne blir fastsett av Skatteetaten etter overtaking, og vil normalt vere 25-30% av første gangs kjøpesum.
Parkeringskjellaren under bygg A og B må ferdigstillast først. Estimert byggetid på parkeringskjellaren er ca. 5 mnd.
Bygginga av parkeringskjellaren vert sett igang ved 60 % sal av leilegheiter i bygg A og B.
Når parkeringskjellaren er ferdig, skal bygg A og B førast opp. Rekkefølga på C, D og E blir bestemt ut frå når dei når 60 % sal, etter at A og B er ført opp og tilnærma utselt.
Forventa ferdigstilling er 18-20 måneder etter oppstart byggearbeid på aktuell blokk, men dette tidspunktet er førebels og ikke bindande, og utløyser ikkje dagmulkt.
Seljar har frist på 18 mnd. for å få avklart atterhalda i salsoppgåva frå salsstart, og seljars frist for å gjere atterhald gjeldende er 18.11.2022. Etter denne dato kan begge partar med skriftleg varsel til den andre parten, gå frå avtalen utan at det fører til noko form for kompensasjon for nokon av partene.
Når seljar har oppheva atterhalda stilt i avtalen skal seljar fastsette ein overtakelsesperiode som ikkje skal vere lenger enn 3 måneder. Seljar skal skriftleg varsle kjøpar om når overtakelsesperioden begynner og sluttar. Seinast 10 veker før ferdigstilling av bustaden skal seljar gje kjøpar skriftleg melding om endeleg overtakelsesdato. Den endelege datoen er bindande og dagmulktsutløysende, og skal ligge innanfor overtakelsesperioden.
Seljar kan krevje overtaking inntil fire månader før den avtala fristen til å ha bustaden klar til overtaking. Seljar skal skriftleg varsle om dette minimum to månader før den nye overtakingstidspunktet. Det eksakte overtakingstidspunktet skal gjevast med minst 14 dagars skriftleg varsel. Det bereknast dagmulkt ut frå det nye overtakingstidspunktet.
Ved overtaking skal det ligge føre ferdigattest. I særskilte tilfelle kan seljar krevje overtaking mot mellombels bruksløyve. Dette kan vere aktuelt dersom det ikkje let seg gjere å ferdigstille utomhusareal grunna tele i bakken, at kommunen krev at alle bygg er ferdigstilt før ferdigattest blir gjeve og liknande.
Kjøpar pliktar i så tilfelle å overta på mellombels bruksløyve. I slike tilfelle har kjøpar krav på å halde attende ein forholdsmessig del av vederlaget til sikkerheit for at ferdigattest blir gjeve. Alternativt kan seljar stille §47 garanti som sikkerheit for dette høvet.
Seljar tek atterhald om å kunne stille slik garanti. Overtaking mot mellombels bruksløyve medfører at ein har teke over eigedomen og ikkje har krav på dagmulkt etter overtaking.
Ved overtaking vil kjøpar få tildelt FDV-dokumentasjon som syner kva material, produkt og fargeval som er nytta, og i tillegg adresselister med oversikt over kontaktpersonar/firma som er ansvarleg for dei forskjellige arbeid og vedlikehald.
Eigedomane skal overleverast mot ferdigattest. Dersom eigedomen blir overteken mot mellombels bruksløyve, pliktar seljar å framskaffe ferdigattest innan rimeleg tid og seinast før mellombels bruksløyve er gått ut på tid. Ved slik overtaking pliktar eigedomsmeklar å gjere kjøpar merksam på at det bør etablerast tilstrekkeleg sikkerheit for kjøpar sitt krav. Eigedomsmeklar skal deretter bistå partane med å etablere tilfredsstillande sikkerheit som ivaretar interessene til kjøpar.
Sjå eigne prislister.
Ved tilval og endringsarbeid gjer ein merksam på at kjøpar vil bli kalla inn til endringsmøte av utbyggar/entreprenør, der kjøpar og entreprenør går gjennom leveranseskildringa.
For endring av standard/leveranse blir det skrive ein endringsavtale direkte mellom entreprenør og kjøpar, og det vil då tilkome ein administrasjonskostnad på 10 % av endringa. Oppgjer for evt. endringsarbeid skal skje gjennom meklar.
Ved avbestilling gjeld bustadoppføringslova §§ 52 og 53.
Kjøpar kan i samsvar med bustadoppføringslova (bufl) kapittel IV, avbestille bustaden/leilegheita inntil overtaking har funne stad. Ved avbestilling betaler kjøpar etter bustadoppføringslova §54 eit avbestillingsgebyr på 5% av kjøpesummen fram til oppstart betong i den bygningen ein har kjøpt leilegheit i, i staden for erstatning etter §§ 52 eller 53. Bestilte endrings- og tilleggsarbeid skal betalast i si heilheit.
Dersom kjøpar avbestiller etter oppstart betong vert seljar sitt krav på vederlag og erstatning fastsett etter reglane i bustadoppføringslova §§ 52 og 53.
Vidaresal er ikkje å sjå på som avbestilling.
Bustadane blir selde i samsvar med lov om bustadoppføring av 13. juni 1997 nr. 43 (bustadoppføringslova). I tillegg gjeld lov om eigarseksjonar av 16. juni 2017 nr. 65 (eigarseksjonslova) for sameiga og drifta av dette.
Etter lov om kvitvasking og terrorfinansiering pliktar meklar å gjennomføre kundekontroll ved å stadfeste identiteten til kunden, eventuelt reelle rettigheitshavarar, på bakgrunn av gyldig legitimasjon. Dersom slike kundetiltak ikkje let seg gjennomføre kan meklar ikkje etablere kundeforholdet eller utføre transaksjonen. På same måte pliktar meklar å gjennomføre kundekontroll på kjøpar.
Meklarføretaket har plikt til å melde ifrå til Økokrim om eigedomstransaksjonar som framstår som mistenkelege. Slik melding blir sendt utan at partane blir varsla. Meklar kan også i enkelte tilfelle ha plikt til å stoppe gjennomføringa av handelen.
Entreprenøren skal stille garanti for oppfylling av avtalen. Denne skal stillast straks etter avtaleinngåinga, jamfør bustadoppføringslova §12. Unntatt fra dette er dersom kjøper er å sjå på som profesjonell part/ næringsdrivande; då blir det ikkje stilt garanti.
Er det i avtalen teke atterhald om opning av byggelån, sal av eit bestemt tal bustader eller løyve om igangsetjing, er det likevel tilstrekkeleg at entreprenøren stiller garantien straks etter at atterhalda fell bort, men entreprenøren skal i alle høve stille garanti før byggearbeidet tek til. Utbyggar har teke atterhald om slike høve i avtalen.
Kjøpar har rett til å halde attende alt vederlag fram til det er dokumentert at garantien ligg føre. Garantien skal gjelde fram til fem år etter overtaking. Garantien skal tilsvare minst 3% av kjøpesummen fram til overtaking, og minst 5% etter overtaking. Endringsarbeid/tilleggsbestillingar/tilval vil ikkje påvirke storleiken på seljar sin garanti/sikkerheit.
Ved avtale om forskotsbetaling skal seljar i tillegg stille forskotsgaranti etter bustadoppføringslova §47. Det innbetalte beløpet tilhøyrer kjøpar, og kan ikkje frigjevast til seljar inntil det anten er stilt forskotsgaranti etter §47 eller kjøpar har fått tinglyst heimel til eigedomen.
Ved overtaking mot mellombels bruksløyve eller forseinka heimelsovergang som følgje av seksjonering av eigedomen, tek seljar atterhald om å kunne stille §47 garanti som sikkerheit for slike forhold. Mot slik sikkerheit kan seljar disponere heile kjøpesummen etter overtaking av eigedomen.
Bygg og eigedom vil vere forsikra av seljar fram til overtaking. Deretter må sameiget teikne fullverdiforsikring.
Kjøpar må sjølv teikne innbu- og lausøyreforsikring.
Meklar kan formidle kontakt med Sparebanken Sogn og Fjordane for rask avklaring av finansiering ved kjøp i prosjektet. Meklar mottek ikkje godtgjerdsle for dette.
Bustaden blir seld med tinglyste rettar og plikter. I tillegg kan seljar tinglyse bestemmelsar vedrørande sameige, naboforhold eller forhold pålagt av myndigheitene, herunder hefte som gjeld veg, vatn og avlaup samt legging og vedlikehold av leidningar til straum, kommunikasjon og liknande. Det må påreknast at enkelte erklæringar som er naudsynt for utbygginga, naboforhold m.m. kan bli tinglyst som pengehefte og at kjøpar sin bank kan få prioritet etter dette.
1965/166-1/55
23.01.1965
Jordskifte. Grensegangssak.
1970/274-1/55
28.01.1970
Erklæring/avtale. Grensegangssak.
1977/691-1/55
10.02.1977
Erklæring/avtale. Grensegangssak.
1991/432-1/55
24.01.1991
Jordskifte
2016/1038341-1/200
09.11.2016
Erklæring/avtale. Rettigheit for Statens vegvesen om graving av kabelgrøft og til anlegg og vedlikehald av leidningar med meir.
2017/247021-1/200
21.03.2017
Formyndarskap. Matrikkeleininga kan ikkje bli disponert utan samtykke frå rettshavar: BR Eigedomsutvikling AS.
Regulert for bustad, næring og tenesteyting. Sjå vedlagde reguleringsplan i salsoppgåva.
Korttidsutleige av heile bustadseksjonen i meir enn 90 døgn er ikkje tillate. Med korttidsutleige meiner ein utleige i inntil 30 døgn samanhengande. Grensa på 90 døgn kan fråvikast i vedtektene og kan i så fall settast til mellom 60 og 120 døgn med to tredjedels fleirtalsvedtak på eit årsmøte
Det er tatt atterhald om:
Eigedomsmekling Sogn og Fjordane AS, 929014642
Camilla Kaland Olset
Telefon: 97 01 34 78
camilla@eigedomsmekling.no
Det er avtala provisjon på 1 % per selde bueining.
Oppgjersgebyr kr. 4.900,- per selde eining.
Elektronisk spørjegebyr kr. 250,- pr. selde eining.
I tillegg er det avtala at seljar skal dekkje direkte utlegg.
Skudeløken AS / Terje Sunde AS
Gnr.21 Bnr.44 i Sunnfjord kommune
Gjeldande byggetrinn skal frådelast frå gbnr. 21/44.
Matrikkelen for eigedomen blir klar når dette er gjort.
Bustadane får tildelt seksjonsnummer ved seksjonering.
Kontakt meklar for meir informasjon.
Bod gjevast skriftleg til meklar via bodskjema. Det er krav om legitimasjonskontroll ved bodgjeving. Meklar kan bistå hjelp til dette via BankID.
Bodskjemaet finn du enkelt på prosjektet si nettside: www.skudeløken.no, eller ved å ta kontakt med ansvarleg meklar i prosjektet.
På denne sida finn du salsoppgåva og vedlegg.
Her er det teikningar, prisar, vedtekter, budsjett for fellesutgifter, kontrakt og bodskjema.
Sjå også leveranseskildring, lovpålagde opplysningar og romskjema her på nettsida.
Vedlegg 11: Reguleringsplan (lenke til annan nettstad)
Detaljerte kjøkkenteiknar blir levert ut etter førespurnad.
Alloc 1-stavs laminat, eller tilsvarande.
Gipsplater/betong, slette malte flater.
Gips, slett malt flate.
Alloc 1-stavs laminat, eller tilsvarande.
Gipsplater/betong, slette malte flater.
Gips, slett malt flate.
Alloc 1-stavs laminat, eller tilsvarande.
Gipsplater/betong, slette malte flater.
Gips, slett malt flate.
Flis 30x30 cm.
I dusjhjørne: 5x5 cm flis, nedsenka.
Fibo våtromspanel, eller tilsvarande.
Flis 30x60 cm i dusjhjørne.
Separat vaskerom: Gips, slette malte flater. Våtromsbehandla.
Gips, slett malt flate. Våtromsbehandla.
Flis 30x30 cm.
Gipsplater/betong, slette malte flater. Våtromsbehandla.
Gips, slett malt flate. Våtromsbehandla.
Alloc 1-stavs laminat, eller tilsvarande.
Gipsplater/betong, slette malte flater.
Gips, slett malt flate.
Terrassebord av tre
Rekkverk av vedlikehaldsvenleg materiale. Balkong/terrasse på vest-fasade i bygg A og E blir innglasa med opningsfelt, med unntak av takterrassar som får rekkverk.
Overliggande balkong i brannhemmande materiale.
Nysgjerrig på Skudeløken? Camilla er klar for å hjelpe deg:
– Skudeløken har ei informativ og god nettside, men det er mykje å velje i. Eg håpar derfor at du tar kontakt med meg. Eg er her for vere ein god rådgivar og svarar gjerne på spørsmål om kva leilegheiter som passar deg med tanke på rom, pris, soltilhøve og liknande.
Eit slikt møte er heilt uforpliktande. Vi held også gjerne av leilegheiter i korte periodar, så folk får moglegheit til å avklare ting.
Ta kontakt!
97013478